الرئيسية
صفحتنا في الفيس
من طرف 
عل اعتاب الوطن جلبت الروح
ويا روح التفكك لوجلبت بيك
انه يـا مـوطني هواي تعبان
اكومن واطيحن من يمر طاريك
تعبنه هذه الجرة والصار ماصار
وتعبتنه الظروف الجارت اعليك
اهاجر واغترب بلجن اكول ارتاح
وعلى حدودك شفتني شلون اشم بيك
ومن ترابك احط عل الراس كلساع
وافك عيني اعله وجهك من احاجيك
تخليني ابنصـ مذله وارجع اهواك
واحطك بل الكلب انه واخليك
ومن تعطش شفافك يا وطن موجود
اعصرلك دمع عيني وبيهن اسكيك
وبموال أونك صدكني من اشتاك
وأبحـه شجيه اليـوم اغنيـك
تدري بغرامك انه مليان كلي شوك
امشيلك عمر وسنين لو زرعوا دروبك شوك
وبيك اعترف من صدك وبحبي لالاتشك
وخلوني وسط الرده ماكول عنك ردي
سالم يعيش الوطن وماينحكم بل ردي
بغداد كافي بعد مثل ألامس ردي
مو كلبي الج فطرة جرح وحنين الشوك
وانه ابـن العراق الدوم مـهيوب
واضل مهيوب ابـد مادنكت راس
انه من ارض الحسين التنبع بطيب
وأنه بأسمي العداله دكـت الساس
انه اول حضارة انبت فـوك اعضاي
وانه بصوت الضمير انكلب كلي احساس
انه اول بشر اتعلمت الكتابـه شلون
وانه اول بشر استخـدم القرطـاس
وانه بـروحي تشع غيرة الاحـرار
وانه بدمي انعجن الشرف والنوماس
وانه كبة محبة ويلتم عليها الشـوك
حـاميها بيمينه الضيغـم العبـاس
تبوس الناس جفك من يطرها البين
ومن ثغر الكرامه اتبـوسك النـاس
بجيت هواي منك دمعي راقي
واخذ تازة الدمع مني دمعي راقي
يهل تنشد شنو دمي دم عراقي
انزفنه بشرف لو صحت اليه
محبتي
